HARDINGFELEHELG PÅ BRATTREIN HOTELL, 16. og 17. juni 2017.

Hardingfelekappleiken laurdag kl 14:
Også i år er det kr 15.000,- som fyrstepremie i hardingfelekappleik på Brattrein Hotell, Notodden. Lars Ingar Meyer Fjeld (2015) og Torgeir Straand (2016) har vunne premien tidlegare. Premien er gitt av Sperre Group, Bilsenteret og Telemark Technologies. Det kjem felespelarar frå Hardanger, Valdres, Hallingdal og Telemark. Dette er ei fin oppkjøring til Landskappleiken. Deltakarane spelar tre slåttar kvar. Som i skihopp stryk dommarane den dårlegaste av dei tre slåttane. Dei to beste utøvarane spelar til slutt finalespel om kr 15.000,- Kappleiken er i Storsalen på Brattrein Hotell. Programleiar er Halvor Langåsdalen.
Kontaktperson: Torgeir Straand, tlf. 90657267

Knut Buen spelar og fortel felefolk på Tjønn i Tuddal
Tjønn-felemakarane i Tuddal er blant det viktigaste i den norske felemakartradisjonen. «Hans Johnsen & Søn» er eit kvalitetsmerkje innan felemakarkunst. Felemakarane John Tjønn, Gjermund Tjønn m. fl. blir omtalt . Spelemenn i familien, som Bergit Tjønn, Kunt Buen og Hauk Buen har alle gjort sitt til at Tjønn-felene er langskjente. Anund Roheim sine legendariske innspelingar frå NRK i 1950 er innspela på fele laga av John Tjønn. Knut Buen har lagt ut fleire døme på felemakeri og rosemåling av Tjønn på si Facebook-side.
Kontaktprson om programmet: Knut Buen, tlf. 975 77 647

Feleutstilling laurdag 12 – 14
Det blir utstilling av Tjønn-feler i samband med konserten, kl 12 – 14. Knut Buen, Hauk Buen, Kjell Midtgaard og Knyt Myrann m.fl stiller ut sine Tjønn-feler.
Det blir høve til å kjøpe lapskaus etter konserten. Har du ei Tjønn-fele? Ta ho med!
Kontaktperson: Torgeir Straand

Konsert og folkemusikkpub fredag kl 20
Lars Ingar Meyer Fjeld (hardingfele), Unni Boksasp (kveding, dans) og Sigbjørn Rua (dans, munnharpe) held konsert i Brattrein Bar. Dans og spel på puben etter konserten. Dørene opnar kl 18.
Kontaktperson om konserten: Sigbjørn Rua, tlf. 91693669
Kontaktperson om folkemusikkpub’en: T. Straand, tlf 90657267

Kurs for barn og unge i spel, danse og kveding, laurdag kl 10-14
Det blir arrangert kurs for barn og unge i spel, dans og kveding på Bok- og blueshuset kl 10 – 14 laurdag. Lærarar er Unni Boksasp (kveding), Sigbjørn Rua (dans), Gudrun Straand (hardingfele), Tone Anne Tveiten (hardingfele) og Lars Erik Øygarden (hardingfele).
Kontaktperson: Gudrun Straand, tlf. 909 97 415

Overnatting og mat
Dei som vil overnatte kan bestille rom heile helga på Brattrein Hotell. Hotellet serverer lapskaus og relevant mat mellom arrangementa. I Brattrein Bar kan du danse springar og gangar til hardingfele om kveldane.
Booking: Tlf 3501 2300
www.brattrein.no
Kontaktperson: Reidun Karlberg Sperre

Arrangørar av hardingfelehelga: Norsk hardingfelesenter og Fjellrosa spel-og danselag.


NORSK HARDINGFELESENTER
I SAMMARBEID MED BØ KOMMUNE PRESENTERER 

LANSERING ÅRSPROGRAM 2017

27. mars 2017, klokka 18.00, kommunestyresalen, Bø i Telemark

2017-programmet er det tredje årsprogrammet i prosjektperioden der Til Telemark as er ansvarleg for drift og gjennomføring av aktivieteten i selskapet. I år har programmet internasjonal profil. I ein global samanheng ser ein verkeleg det spesielle ved den særnorske hardingfela som einaste av sitt slag i verda. Programmet inneheld som vanleg 12 konsertar, to temasamlingar og ei bokutgjeving. Det nye styret i norsk hardingfelesenter blir presentert: Asbjørn Botnen, styreleiar. Gunn Kristin Aasen Leikvoll, styremedlem. Hans Sundsvalen, styremedlem. Lanseringa skjer i forkant av ordinært kommunestyremøte. Bø kommune har tre hardingfeler i kommunevåpenet sitt.


NORSK HARDINGFELESENTER
I SAMARBEID MED SPELEMANNSLAGET BØHERINGEN PRESENTERER 

KLEPPEN OG KÅSA

11. mars 2017, klokka 21.00, Bø Hotell

På parketten, Bø hotell kjem gitarist Mattis Kleppen saman med fleespelar Ottar Kåsa i ein duoversjon av prosjektet «Resjemheia» og plata El Bokko».
Resjemheia er ei utgjeving som i blanding av slåttemusikk og blues som har stått sterkt i Midt-Telemark sidan 70-talet.
Dans og spel etter konserten.
Inngang 200,-


NORSK HARDINGFELESENTER
I SAMARBEID MED AKKERHAUGEN ROCKSAMFUNN PRESENTERER 

«AKKERHAUGENSPELA MED TORGEIR STRAAND»

Fredag 17. mars 2017, klokka 20.00, Akkerhaugen stasjon, Sauherad. 250,- inngang.

Fredag 17.mars er det duka for Akkerhaugenspela, for femte gong i historia, på Akkerhaugen stasjon. Norsk hardingfelsenter prensenterer eit program med felespel og forteljing om spelemannen og legenda Anund Roheim som tema. Torgeir Straand som skal spelar slåttar han lærte av Roheim’en og fortel om læremeisteren sin. Halvor Langåsdalen er med på scena og skal saman med Torgeir lose oss gjennom programmet som skal gi oss eit inntykk av livet og musikken til Anund Roheim.


NORSK HARDINGFELESENTER
I SAMARBEID MED BØKER I BØ, AKADEMIKA OG SPELEMANNSLAGET BØHERINGEN PRESENTERER 

HARDINGFELA I LITTERATUREN

Laurdag 6. mai 2017, kl 12.00, Akademika, Bø i Telemark

Felespelarar frå Spelemannslaget Bøheringen spelar hardingfele og fortel om viktige skriftlege kjelder i hardingfelelitteraturen.
Det blir høve til å ekslusivt få kjøpe bøker som Myllgarguten og Gibøen, Olaf G. Helland og felemakerkunst i Telemark fram til 1960-årenen, og andre referanseverk innan sjangeren til gode prisar. Gratis inngang


NORSK HARDINGFELESENTER
I SAMARBEID MED SISSERONE AS V/TOBIAS KAASA FOSSHEIM OG TIL TELEMARK AS PRESENTERER 

DIGITAL KULTURSTI I HARDINGFELESOGA I BØ

Våren 2017, Bø stasjon, Bø i Telemark

Norsk hardingfelesenter har gleda av å lansere ein digital kultursti i hardingfeletradisjonen i Bø, som fungerer på følgjande måte:
Last ned appen Til Telemark på smarttelefonen din. Gå på Bøbussen på Bø stasjon, og gjennom turen få infomasjon om spelemenn og felemakarar som har levd langs ruta Bø stasjon, Fokestad, Sommarland, Bø museum, Langkåshaugen, Bøhaugen, Bø sentrum og Breisås. Du får soger om – og spel etter Torkjell Haugerud, Flatland/Hellos, Lars Fykerud, Helland/Steintjønndalen, Halvor J. Lie, Håvard Gibøen, Jens Amundsen, Mørkholt/Fossheim, Kristiane Lund og Gunnulf Borgen.
Torgeir Straand spelar og fortel. Tobias Kaasa Fossheim er teknologiutviklar og produsent.


NORSK HARDINGFELESENTER
I SAMARBEID MED FJELLROSA SPEL OG DANSARLAG PRESENTERER
HARDINGFELEHELG 16. -17. JUNI, BRATTREIN HOTELL 

Folkemusikkpub med Lars Ingar Meyer Fjeld, Unni Bokasp og Sigbjørn Rua.
Fredag 16. juni 2017, klokka 20.00, Brattrein Bar, Notodden.

NORSK HARDINGFELESENTER
I SAMARBEID MED FJELLROSA SPEL OG DANSARLAG PRESENTERER
HARDINGFELEHELG 16. -17. JUNI, BRATTREIN HOTELL

HARDINGFELEKURS 
Laurdag 17. juni 2017, klokka 10.00-13.00, Storsalen, Brattrein Hotell, Notodden.

I samband med hardingfelehelga på Brattrein blir det arrangert opplæringskurs i spel, dans og kveding. Rekruttering er det viktigaste for at tradisjonen skal leva vidare. Kurset er for det som har er med i musikkskulen eller tilsvarande. Deltakarane blir delt inn i grupper etter nivå og erfaring. Påmelding på staden. Dersom de kjem ei stor gruppe, send gjerne mail, da me da må skaffe fleire instruktørar.

NORSK HARDINGFELESENTER
I SAMARBEID MED FJELLROSA SPEL OG DANSARLAG PRESENTERER
HARDINGFELEHELG 16. -17. JUNI, BRATTREIN HOTELL

HARDINGFELEKAPPLEIK
Laurdag 17. juni 2017, klokka 14.00, Storsalen, Brattrein Hotell, Notodden.

Norsk hardingfelesenter ønskjer å gjenta suksessen frå i fjor med å samle hardingfeleentusiastar frå heile Telemark og Noreg, og arrangerer også i år hardingfelekappleiken 2017.
I år blir det to klasser på hardingfelekappleiken som arrangerast kl 14.00 på Brattrein Hotell. Det blir eiga rekruttklasse med premie til alle som deltar og dommarane vel ut ein heldig rekrutt som vinnar.
Eiga juniorklasse og seniorklasse: 1. premie til vinnaren av hardingfelekappleiken.


NORSK HARDINGFELESENTER
I SAMARBEID MED TELELAGET OF AMERICA PRESENTERER 

7-LAGSSTEVNE, DECORAH, IOWA, USA 

20.-23. juli 2017, Decorah, Iowa, USA

Telelaget of America har gjennom mange år samarbeidd med spelemenn frå Bø. Anund Roheim var President i Telelaget of America i ei årrekkje, og var sentral i å berge laget over i ei ny tid. Bø juniorspelemannslag har besøkt Telelaget fleire gonger. Torgeir Straand var ein periode fast gjest på deira arrangement. 7-lagstevnet arrangerast fleire stader i Amerika, denne gongen har Telelaget of Amercia ansvaret for programmet som skjer i Decorah, Iowa. Torgeir Straand deltek frå Norsk hardingfelesenter med konsert, i saman med gruppa Tinndølan (kveding, dans og spel) og Tone Jorunn Teveito (kveding).
Telelaget of America kjem på gjenvisitt til Telemark med 45 personar 29. juli til 2. august 2017.

Fot: Knut Utler


NORSK HARDINGFELESENTER
I SAMARBEID MED TELEMARK FESTIVALEN PRESENTERER 

BORGJAKONSERTEN

Sundag 30. juli 2017, Storsalen i Gullbring, Bø i Telemark

Borgjakonserten har tadisjonsoverføring som tema. Lars Ingar Meyer Fjeld er blant dei fremste spelemennene i lande på kappleikar nå om dagen. Til dømes fekk han andreplassen på Landskappleiken i fjor. Han er Borgjakonsertens hovudartist.
Torgeir Straand er programleiar og fortel om Borgja som kulturinstitusjon for hardingfela gjennom 100 år. Gjennom bilde og stutte lydopptak tek han deg med gjennom den organsierte hardingfeleopplæringa si historie i Bø. Frå starten på Borgja i 1880-åra, da Lars Fykerud og Halvor Flatland var lærarar. Seinare kom Knut Dahle frå Tinn. I 1934 kom spelemannslaget Bøheringen med Gunnulf Borgen i spissen. Seinare Folkeumusikkopplæringa i Telemark på 1970-talet, så Bø kommunale musikkskule og Bø juniorspelemannslag i 1980-åra. På 1990-talet kom Johannes Sundsvalen og ovratok, fram til i dag. Han er gjesteartist på konserten. I år har Lars Ingar Meyer Fjeld overtatt stafettpinnen. I Bø har det alltid vore topputøvarar som driv opplæring, og slik skal det vera. Vel møtt!


NORSK HARDINGFELESENTER
I SAMARBEID MED NOTODDEN BLUESFESTIVAL OG TELEMARK TECHNOLOGIES PRESENTERER 

HARDINGFELA I BLUESEN

Laurdag 5. august 2017, Klokka 13.00, Folk & Blues Stage, Notodden bluesfestival

Også i år blir det hardingfele på Folk og Blues Stage, på torget på Notodden som del av programmet til Notodden bluesfestival. Det lokale i det internasjonale er tema. Programmet blir offentleg i samband med Notodden bluesfestival si programlansering. Vel møtt i august.

NORSK HARDINGFELESENTER
I SAMARBEID MED ENTUSTIASTISKE HARDINGAR PRESENTERER 

CREMONA I ITALIA

28.september – 1. oktober 2017, Cremona i Italia

Norsk hardingfelesenter innleier samarbeid med hardingar og italienarar om program i Cremona, Italia med gjenvisitt i Norge. Den italienske byen er kjent for verdas beste fiolinar. Gjennom mage år med systematisk arbeid har dei laga eit kjempemiljø av utøvande fiolinmakarar, fiolinistar, museum og omfattande næringsverksemd knytt til instrumentet. Styreleiar i Norsk hardingfelsenter Asbjørn Botnen, felemakar og spelemann Ottar Kåsa, forfattar og spelemann Kjell Chr. Midtgaard, felemakar Keisuke Hara og spelemann Torgeir Straand reiser frå Bø. Frå Hardanger reiser blant andre multihandtverkar Kristan E. Djupevåg, pianist Geir Botnen, felespelar Audun Galtung, felemakar Sigvald Rørlien og felemakar Ole Gjerde. Målet med turen er utveksling av kunnskap og erfaringar knytt til verksemd og aktivitet rundt felefaget. Det er eit mål med turen å leggje grunnlag for utveksing av musikk og tradisjonar gjennom Telemarkfestivalen i Bø og Hardingtonar i Norheimsund i eit framtidig samarbeid med festivalen i Cremona.


NORSK HARDINGFELESENTER
I SAMARBEID MED DYRSKU`N PRESENTERER 

FELEPROGRAM

8.- 10. september 2017, Dyrskuplassen i Seljord

Vel møtt til program under dyrskuhelga. Meir informasjon kjem.

NORSK HARDINGFELESENTER OG BØKAPPLEIKEN I SAMARBEID MED HARDANGER SPELEMANNSLAG
PRESENTERER 

HARDINGKONSERT – BØKAPPLEIKEN 2017

3. og 4. november 2017, Bø hotell og Sandvin ungdomshus i Bø

Me inviterer alt som kan krype og gå av små og store hardingar til Bø for å halde konsert med hardingtonar. «Telemark og hardanger e’ so close», sa norsk amerikanaren Anund Roheim. Ein buss med hardingar kjem til Bø denne helga. Konserten er på Bø hotell fredag 3. novmeber kl 20.00. Billettar kr 200,- , barn u/ 12 år gratis. Desse er med på konserten: Knut Hamre, Ingeleiv Kjerland Kvammen, Alexander Aga Røynstrand, Øystein Velure, Lajla Storli, Åse Teigland, Torkjell Børsheim og mange fleire!

Larurdag er det kappleik på Sandvin kl 13.00. Fest med premieutdeling om kvelden. Billettar: Kr 150,- Barn u/ 12 år gratis.
Arrangørar: Spelemannslaget Bøheringen, Bø ungdomslag, Bø juniorspelemannslag og Bø dansarring i smarbeid med Norsk hardingfelesenter.

SPELEMANNSLAGET BØHERINGEN, BØ DANSARRING, BØ JUNIORSPELEMANNSLAG OG BØ U.L. I SAMABEID MED NORSK HARDINGFELESENTER PRESENTERER 

BØKAPPLEIKEN 2017, KL. 13.00, 4. NOVEMBER PÅ SANDVIN

Vel møtt til Bøkappleiken, som arrangerast kvart år på Sandvin ungdomshus, den fyrste helga i november. Kappleiken har tevling i spel, dans og kveding. Arr.: Bø dansarring, Bø juniorspelemannslag, Bø Ungdomslag og Spelemannslaget Bøheringen.

Billettar kr 150,.-

Fest med premieutdeling på Sandvin om kvelden. Kappleikshotell er Bø hotell.


NORSK HARDINGFELESENTER
I SAMARBEID MED SCORDATAURA FORLAG
PRESENTERER 

HARDINGFELA I FIOLINEN OG DET INTERNASJONALE
Bokpresentasjon og felemakarprogram

Desember 2017, Bø i Telemark

Norsk hardingfelesenter vil presentere ei nyutgjeving innan den internasjonale litteraturen i bokform. I tilknyting til dette blir det seminar med foredrag av ein hardingfeleekspert, ein fiolinekspert og ein fiolinmakar som nå lærer seg å byggje hardingfeler.
Meir info kjem.


NORSK HARDINGFELESENTER
I SAMARBEID MED SENTRUMSRINGEN I BØ 
PRESENTERER 

JULEGRANTENNING, BØ TORG

Desember 2017, Bø i Telemark

Meir informasjon kjem.